فريق آسيا وورلد – AsiaWorldTeam موقع آسيا وورلد تيم المختص بترجمة الأعمال الكورية واليابانية من أفلام ومسلسلات لإثراء المحتوى العربي وجذب المهتمين بالفن الآسيوي.
يُقدم لكمْ فريق AsiaWorldTeam
ترجمة فيلم الرومانسية والميلودراما الكوري
Ditto
Ditto
نتمنى أنْ تحوز الترجمة على رضاكم.
عنوان الفيلم :: Ditto
بالعربي :: تواصل
بالكوري :: 동감
بالروماجي :: Donggam
التصنيف :: دراما
تاريخ عرض الفيلم :: 16 نوفمبر 2022
مدة الفيلم :: ساعة و54 دقيقة
المُخرج :: Seo Eun-Young
الكاتب :: Seo Eun-Young
اللغة :: الكورية
البلد المنتجة :: كوريا الجنوبية
إعلان الفيلم :: هنا
الفيلم مُناسب للمُشاهدة العائلية ✔
“كيم يونغ” طالب جامعي في العام 1999،
يلاحق أحلامه البسيطة بالتخرج من الجامعة والفوز بفتاة أحلامه.
تقوده صدفة غريبة إلى التواصل مع
طالبة جامعية في العام 2021 عبر جهاز لاسلكي،
فإلى أي مدى سيؤثر هذا الاتصال على قدرهما؟
–
مقتبس من النسخة الكلاسيكية الكورية بنفس العنوان صدرت عام 2000.
ترجمة وتدقيق:: Sondos
–
– لدعم الفريق هنا
مشاهدة ممتعة ~
شكراااااااااااااااا
الفلم يجننننننن
الفلم مرهه حلووووووووووووو
” التغييرات الصغيرة يُمكن أن تُحسن الكفاءة، لكن الناس خائفون من التغيير. ”
فعلا، وأسقطت الجملة على تخصصي ومش بس تخصصي بلوعلى كل اشي في الحياة، بس عشان الفيلم جامعي وانا كمان بالجامعة فبالزبط جاي? وبصراحة أنا كنت في فترة خايفة أغير اللي بكون عليه، بعدين لا الحياة ما بدها هيك حرفيا، بنبدا بتغيير بسيط بعدين هادا التغيير لو كان واحد بس بفرق معنا لقدام
……..
” مع ذلك، لكل منا مسار مختلف. ”
طبعا انا واختي كنا بنحضر الفيلم سوا، وهي عندها قناة عالتلغرام اسمها مسار وكتير بتعشق هادي الكلمة، فلكم أن تتخيلوا كمية السعادة وهي بتقرا بهادي الجملة، وبشكل عام هادا المشهد كان في قلبي انا? كمية الاهتمام فيها وهي بتاكل وكيف بمسح عن وجهها الماكياج كان كتير لطيف فيها
……..
” يُقال عندما تكون مستعجلاً، تمهل. ”
الفيلم ما بيحكي عن البطل، لا كان بيحكي عني ? بطريقة غير مباشرة وكل جملة بتيجي بقعد اضحك وبحكي كانه في رواية بصف مشاعري بس هان بحكي عن شخصيتي، هادي الشغلة ضايلة فيا وبحاول اتمهل عنجد في اغلب الامور بس في كتير مزاقف ما بقدر، السرعة اللي فيا بتطغى
……..
” كنتُ أرغب باستكشاف نفسي عندما التحقتُ بالجامعة، لكن المسؤوليات والحياة تعترض الطريق، حتى عندما أتسكع مع أصدقائي، أشعر بالتوتر، في بعض الأحيان أذهب وأجلس في المكتبة. ”
أول سنة الي في الكلية كانت بهادي الجملة بكل تفصيلة منها، وكمان اللي خلاني كتير اروح للمكتبة عشان بحب القراءة والكتابة، فكانت اجمل مهرب بالنسبة الي، ومش مهرب كمان لا هي ملجأ آمن بالمعنى الأدق? بس هادي السنة التانية، اختلف الوضع وصرت اكسر حواجز كتيرة وصار من النادر مع زيادة المشاريع والتكاليف في الكلية اروح على المكتبة ودايما اكون مع صاحباتي اغلب الوقت بس عالحالتين كنت مستمتعة لانه ضايل فيا توتر بس من شغلات تانية
……..
” الأحلام عبء عليّ، إنها متعبة ومزعجة، أريد تركها تمضي، لكن لا يمكنني التخلص منها، إنها مكلفة وبلا جدوى. ”
على قدر ما الجملة كئيبة ومحبطة بس على قدر ما كان البطل فيها صادق مع نفسه، واغلبنا اتوقع مر بهادي الفترة، انه قديش عنده احلام بس في وقت معين بمر بمرحلة يأس واحباط بصير يشوف فيها اشياؤه اللي بطمح الها بلا جدوى وهادا أسوأ شعور، فجدا كنت متأثرة بهادا المشهد من ناحية صدق البطل مع نفسه وكيف تجرأ وقدر يحكي هيك كلام، لانه مش كل واحد بقدر يحكيه لشخص تاني، كتير ممكن يفكر فيها مع نفسه اما يحكيها لغيره.. صعب جدا?
……..
” أردتُ أن أصبح شخصاً جديراً بها. ”
نبعد عن الكآبة شوية ونيجي على الجملة اللي كلها مشاعر ودفء بجنن? كتير حبيت كيف بدو اياها تفكر فيه وهوا شو راح يكون الها، جدا جميلة الجملة?
……..
” يتعلق الحب بالتوقيت، يجب أن تتبع قلبك، الصدق يُجدي دائماً. ”
تكرار الجملة مرتين، في كل مرة كان الها مشعر مختلفة? والاحلى انه التنين حكوها لبعض، يا روحي على المشهدين، بس التاني طبعا في القلب اكتر وهوا اللي بعد فترة راح اتزكره بالاول
……..
” قصة حبك تُدفئ قلبي أيضاً. ”
الفيلم يُدفئ القلب بمعنى الكلمة??
……..
” في بعض الأحيان تكون الحياة أغرب من الخيال. ”
أكتر جملة مفضلة من الفيلم? ما بدها مشاعري ورأيي، هي فخمة بحد ذاتها..
……..
أول اشي لازم احكي عنه، انه اخر فترة من الضغوطات صرت احمل الفيلم من غلافة واعرف عالاقل ٤ ابطال? والباقي بحكي بعرفه جوا الفيلم، ان كنت بعرفه كان بها وبتكون مفاجأة الي، ما بعرفت عادي بنتعرف عليه وبالغالب بحبه زي اللي صار هان? واولهم كانت احلى مفاجأة الي الممثلة باك ها سون، مع انه كان ظهوره قليل بس من اول ما ظهرت بالجامعة بحكي لاختي حبيتها بس بعرفها واكيد شابفاها من قبل، والفضول يخليني اوقف الفيلم في نصه واروح اتأكد وين شفتها وطلعت بفيلمي الكوميدي المفضل Midnight Runners? وكانت الشرطية الحازمة اللي موتت على شخصيتها وجدا حبيتها ومش عارفة ليش يوميتها ما بحثت الها على أعمال لانه بالعادة لما بحب حدادغري بشوف شو من اعماله مترجمة لحتى احضرله، بس هان كان دورها برضو قليل بس بحبها? وهان استاذة جامعة وكيوت يا روحي قديش بحبها، بدي ادور على بطولة خلص بدي اشبع منها?
اما الناس اللي حرفيا اول مرة اشوفها وبعدين كعادتي ومش بايدي بطلع اعرف اغلب الممثلين? اللي هوا نا إن وو ، كنت مرة لمحته في فيديو، وتزكرته بعد ما خلص الفيلم وبحثت عنه، فهان دوره كتير حلو والحمد لله نهايته سعيدة، مع انه اغلب حظي مش حلو دايما لانه تصنيفاتي هيك بتحبر عليا نهايات ? بس هان الحمد لله عجبني جدا تمثيله وحركاته ونظراته اهم اشي، ويمكن عشاني جديد خلصت On Your Wedding Day وبعشق الممثل وكنت جدا متأثرة بشخصيته، حسيت إن وو بشبه شخصيته في الفيلم انه بحبها، في بعض المواقف والحركات مش كلها، فكنت في مود يا الهي عالروعة اللي انا فيها
اما تشو يي هيون عرفتها من مسلسل كلما موتى بس ما حضرته، وفي الفيلم دورها جدا مؤثر وبتخلي الواحد يتأثر معها وشخصيتها الهادية والمستمعة كتير وكمان بتدرس علم نفس?? فهيا اخدت قلبي حرفيا، لانه بعشق علم النفس وضايل من اهتمامي ونفسي اتعمق فيه
والممثلة كيم هاي يوون بحب نبرتها وطريقة كلامها السريعة لانه بحسها اكتر اشي مبدعة فيه، ومش كتير سايباها، حضرت قبل فترة Snowdrop فكان جدا عاجبني تمثيلها وهان شخصيتها كيوت كتير، صح زعلتني مع مين راحت بس مش مشكلة بضلني احبها? وبصراحة ما قدرت الومها، شخصية زيها كانت بتدور عالافضل الها وكتير بصير في الحياة زي قصتها بس اللي غفرلها لما اكتشف البطل انهوالملصق كان صورتهم سوا? ونيجي للبطل? يوجين غو اختي بتحبه اكتر مني بس من بعد هادا الفيلم وكاتب صرنا نتقاسمه? لانه ما توقعنا الفيلم كل تفصيلة منه تكون على أجوائنا بالضبط فكانت اول عمل نحضره اله، بس بنعرفه من الفيديوهات، صوته طبعا يا الهي عالفخامة الي فيه، شخصيته باول الفيلم المرحة كتير كانت كيوت ? وبعدين كيف بخليني اتقطع من بقبب عشانه واضلني ابكي عليه??? يا الله مبدع لابعد الحدود
فيلم راح اضيفه للمفضلة من الافلام اللي حضرتها هادي السنة ، لانه انا الي من يوم الجمعة حضرته وما كنت عارفة اعلق من جماله، فاخدت وقت لحتى اعرف اعبر عنه?
شكرا كتير على الترجمة سندس?? وفريق اسيا وورد العظيم?
#حرق
تمنيت لو اعطى هان سول فرصة وما انفصل عنها بس بسبب انها بتتزوج صديقة بالمستقبل
كان ممكن يغير مستقبلة
الفيلم لطيف خفيف
صحيح ماله هدف بس يعني 😆
شكراِ جزيلاً لكم
يعطيكم العافية