فريق آسيا وورلد – AsiaWorldTeam موقع آسيا وورلد تيم المختص بترجمة الأعمال الكورية واليابانية من أفلام ومسلسلات لإثراء المحتوى العربي وجذب المهتمين بالفن الآسيوي.
يُقدم لكمْ فريق AsiaWorldTeam
ترجمة فيلم الدراما الياباني
أميكو | Amiko
نتمنى أنْ تحوز الترجمة على رضاكم.
عنوان الفيلم :: Amiko
بالعربي :: أميكو
باليابانية :: こちらあみ子
بالروماجي :: This Is Amiko \ Kochira Amiko
التصنيف :: دراما – عائلي
تاريخ عرض الفيلم :: 8 يوليو 2022
مدة الفيلم :: ساعة و44 دقيقة
المُخرج :: Morii Yusuke
الكاتب :: Morii Yusuke
اللغة :: اليابانية
البلد المنتجة :: اليابان
إعلان الفيلم :: YouTube
الفيلم مُناسب للمُشاهدة العائلية ✔
أجب، أجب! “أميكو” تتحدث، أتسمعني؟
أميكو فتاة لا تشبه الأطفال الآخرين، تعيش وسط عالمها الفريد محاطة بأفراد عائلتها: والدها الطيب، وشقيقها المرح، ووالدتها التي تدرس الخط الياباني وتنتظر مولودها الجديد، وزميلها الأكبر الذي تكن له مشاعر إعجاب. لكن غرابتها وطاقتها المتفجرة تجعلها منبوذة في المدرسة وتسبب المشاكل في المنزل.
– 1080P FHD –
Mega – File – Gofile – Uersdrive – Pixeldrain
– 720P HD –
Mega – File – Gofile – Uersdrive – Pixeldrain
–
شفت ٣ ارباع الفلم وحرجع اكملو، بس اذا كان عن فرط الحركة وتشتت الانتباه فابدعوووووااا في وصفه !
شكرا يعطيكم العافية على 😍😍😍😍
ترجمة:: R_zoo00
تدقيق:: Duha
تصميم:: مارام
الفيلم رائعة انصح فيه .
———————————————————————————–
أميكو فتاة لا تشبه الأطفال الآخرين ، حزني مرره كيف هي محاطه بالناس القريبين ولكن ليسوا قريبين منها لا أمها ولا ابوها ولا حتى أصدقاء المدرسة .
كان فقط يحتج لها استمع و احتوى من اقرب الناس اليها .
مشهد لما راحت البحر اثر فيني و الاوست الأخير 😭😭😭
– الاشباح ليست حقيقية ، الاشباح مجرد كذبة .
– ولكننني أيضا خانقة قليلا ، قليلا فقط.
أميكو حيل لطيفة):
شكرا لترجمتكم3>
ما فهمت فكرة الفلم (عندي فضول لفهم الفلم أحد يشرح لي فضلاً) لكني استمتعت جداً وأنا أتابعه شكراً على الترجمة.
فيلم جميل يستحق التأمل!
من الوهلة الأولى ببين أنو فيلم عن طفلة صغيرة عادية نشيطة و بتتحرك كتير متل أغلب الأطفال. لكن مع الوقت و لما تكبر ببيين أنو نشاطها مو “طبيعي” متل أغلب يللي بعمرها، و ممكن يتساءل المشاهد إذا كانت أميكو فعلا فتاة غير طبيعية (بسبب مرض عقلي) أم بسبب أنو ما كانت تتلقى الاهتمام يللي باقي الأطفال عادة بتلقوه من الأهل، خصوصا من الأم. في مواقف كتير بالفيلم ببين أنو أميكو ذكية، مثلا لما كانت تتكلم بهدوء مع أمها و تحاول تسعدها بأي شي و لما سألت زميلها “لماذا أنا مخيفة؟”. أعتقد المشكلة الكبيرة كانت أنو لما أميكو كانت تعمل غلط، ما كان حدا يشرحلها شو الغلط يللي عملتو و ليش غلط، و هالشي أدى بعدين لسوء تفاهم كبير بينها و بين عائلتها و حتى باقي الأشخاص حولها. من الأهم الشغلات يللي ما حدا علمها لأميكو كانت كيف تقرأ الجو و تراعي مشاعر الناس. و كمان واضح كتير كان سعيها لتكسب اهتمام و حب أمها، لكن بعد “ذلك الحادث” و التجاهل التام يللي شافتو أميكو من أمها صارت “الأم” غير مهمة بحياة أميكو و صار اهتمامها يتجه أكثر لعالمها الخاص و “الأشباح”، يمكن عشان تضل عيشة و ما تنكسر من التجاهل يللي شافتو من الجميع.
لكن في نهاية الفيلم، يللي كانت غريبة و غير مفهومة بعض الشئ, ممكن المشاهد يفسرها بطرق عديدة. أنا شخصيا فهمتها كرغبة من أميكو أنو تركز و تتقبل نفسها أكتر من قبل و تفتح فصل جديد، خصوصا أنو لو سمعت الأشباح بالنهاية و قبلت تروح معهم يمكن كان ماتت. الفيلم اختتم بعبارة عادية جدا بس مهمة من أميكو، و يللي هي “أنا بخير”.
فيلم جميل جدا و صار من المفضلين عندي. أكيد ازا الواحد تأمل فيه أكتر رح يشوف الصورة أوضح و ممكن يفهم أفكار أميكو بشكل أحسن و بشوف الحياة من منظورها.
شكرا جزيلا على الترجمة و الاختيار الرائع. دمتم بخير 🤍
بالأول لازم أشكر المترجمين، لانه مش بس الفريق المفضل عندي في الترجمة، كمان الصديقة العزيزة القريبة لقلبي(آرزو)💚🌸، فانا داخلة عالفيلم بكمية حُب رهيبة
وطلعت من الفيلم بمشاعر اكبر، فعنجد شكراً من كل قلبي على ترجمة هيك أفلام من هادا النوع، ما راح الاقي زيكم والله..
أدخل في العمق والتحليل اللي تفاجأت من نفسي في هادا الفيلم، من أدق التفاصيل للمشاهد العامة، حابة احكي انه بصراحة من كتر ما سمعت عن الطفلة وتمثيلها تحمست للفيلم، بس المشجع الأكبر اللي خلاني ما أنتظر تأخيره، مشهد طريف طبعا في قلبي، إضافة للممثلة ماتشيكو أونو، اللي دايما بتعجبني أدوراها والاشياء الي بتختارها، وهنا أبدعت بالذات لما دخلت في حالة الاكتئاب، وكيف تحوّلت بتعاملها مع أميكو لما رجعت من المستشفى.. وصارت كتير لطيفة معها وهادا الاشي عكس على أميكو نفسها، وأثبتلنا قديش الطفل لما يكون في بيئة تحتويه، وتفهم متطلبااته هوا كمان قادر على التغيّر وبيفاجئنا شو داخله، وكمان الممثل أراتا يورا، أبدع في دور الأب اللي في نواحي كتيرة كنت اشوفه مستهتر، ومش قادر يتحمل كامل مسؤولية البيت خصوصا بعد ما اكتأبت زوجته، وبس صار يهتم فيها، بس اكتر اشي انا صُعقت منه، لما أميكو اكتشفت انه اخوها بيدخن، والتمرد والمراهقة الي وصلها أخوها الكبير كانت طبيعية نتيجة البيئة اللي عاش فيها، بس أميكو كان لسة فيها خير، وما بدها العيلة تصل لهيك مرحلة من الأشياء السيئة، بس هوا أبوها ولا عباله، فأنا كنت كتير أزعل عليها بس بنفس الوقت نقطة قوتها لأميكو إصرارها على انه الناس تقدر تتقبلها، وما كانت تخجل لما تتصرف او تحكي بصوتها العالي.
واكتر مشهد كتير تألمت فيه لأجلها، لما الطفل الي كانت تحبه (نوري) شو عمل فيها لما كانوا بعيادة المدرسة، طريقة انفجاره فيها كانت متوقعة لطفل كانت يُجبر انه يكون مؤدب، وبنفس الوقت ما كان يحبها، ويحس حاله مضطر يتعامل معها، بينما زميلها اللي كان معها من زمان طلع اكتر واحد فاهمها ولو انه كان في كتير أحيان يستفزها، بس كانه وصللنا فكرة انه فاهمها وبنفس الوقت هو الوحيد الي ضله معها، بس لولا الانتقال الي صار حاجز بيناتهم يتقابلوا مع بعض.. فبيعطيك شعور انه فيه أشخاص حتى لو ما كنا كتير بنعزهم بس هما كتير بحسوا فينا وبفهمونا، وراح يكونوا في مرحلة معينة من حياتنا الناس اللي وقفت معنا
ولازم احكي عن زوايا التصوير الي ابهرني فيها المخرج كيف كان يعتمد اللقطات القريبة جدا خصوصا لما الاشي يتعلق بأميكو، بحيث يسقطلنا زاوية نظرها وكيف بتشوف الاشي من منظورها، وبحس مش شرط نفهمه لانه أميكو الها عالمها الخاص وما حدا فهمها من جوا