فريق آسيا وورلد – AsiaWorldTeam موقع آسيا وورلد تيم المختص بترجمة الأعمال الكورية واليابانية من أفلام ومسلسلات لإثراء المحتوى العربي وجذب المهتمين بالفن الآسيوي.
يُقدم لكمْ فريق AsiaWorldTeam
ترجمة فيلم الدراما الياباني
The Midnight Maiden War
The Midnight Maiden War
نتمنى أنْ تحوز الترجمة على رضاكم.
عنوان الفيلم :: The Midnight Maiden War
بالعربي :: حرب بُتل منتصف الليل
باليابانية :: 真夜中乙女戦争
بالروماجي :: Mayonaka Otome Senso
التصنيف :: دراما
تاريخ عرض الفيلم :: 21 يناير 2021
مدة الفيلم :: ساعة و53 دقيقة
المُخرج :: Ken Ninomiya
الكاتب :: Ken Ninomiya
اللغة :: اليابانية
البلد المنتجة :: اليابان
إعلان الفيلم :: YouTube
الفيلم غير مُناسب للمُشاهدة العائلية ✗
الفيلم غير مُناسب للمُشاهدة العائلية ✗
طالب جامعي عادي ليس لديه أصدقاء
أو أحلام أو هوايات أو مهارات خاصة
ولا يجيد التعامل مع الحياة الجامعية المملة
أو القدرة على تغيير حياته اليومية،
يلتقي برجل يرتدي بدلة سوداء يجعله
متورطاً في وضع لا يمكن تصوره.
ترجمة:: Odin
تدقيق:: CAPA
–
مشاهدة ممتعة ~
اريقاتوا
وين الترجمة؟!
متابع
شكرًا على الفلم جداً متحمسه لمشاهدته ? بس متى بتوفرون السوفت سب؟
يعطبكم العافية روابط ميقا فيها مشكله ):
يعافيك،، جددت جميع الروابط.
لما رجعت أحضر ياباني حسيت اشي فيا رجع لطبيعته بعد الحرب اللي عشتها.. هيك اشي بقولي فيه أمل.. وكمان كنت بحضر لحالي، لانه بالزات الياباني كتير بحضره مع أختي، فحنيت لأجوائي الخاصة، ونمط الفيلم ما بتحبه أختي فكان قراري صائب انه احضره انا بالأول عشان اشوف هل بتقدر تحضره، فطلع لأ، بس أنا كل ما يقدم الفيلم حبيته اكتر وحبيت كيف انحنى الفيلم لما كشف هوا عن حبه وصار متغير والنهاية كانت متوقعة مع احداث وفكرة الفيلم الغريبة.. بس عندي سؤال شو يعني (بُتل)، كتير فكرت فيها وهي الوحيدة اللي ما فهمت مغزاها في الفيلم.. بس انا طالما حبيت الفيلم اكتفيت نوعا ما بس ضل عندي الفضول لحتى اعرف المعنى.
وكمان الزوايا التصويرية للفيلم جدا عجبتني خصوصا انه اخد نمط ياخد المشهد كانه داىرة ويلف فيها ويعطينا نظرة كاملة من كل زوايا المكان اللي مصورين فيه فاعطى اكتر من بعد للتفكير والانطباع عن كل مشهد، واكتر مشاهد حبيت فيها الدوران، لما كان يدور عليها لما اختفت وراح على مكانها اللي لقته هي وصاحبيتها كانا، ومشهد لما كان يكلم امه وبتحكي هي عن المنحة وبتساله عن حاله وكيف الجامعة وهما جابوا كل الدار ورجعوا لنفس النقطة في التصوير.. واكتر مشهد عجبني مش بس من ناحية التصوير، من كل اشي لدرجة حتى لبس كل واحد حبيته، لما وداها عالفندق التنين مش بس كانوا صادقين مع انفسهم وتجاه التاني كانوا كمان واضحين بمشاعرهم للدرجة اللي خلت كل واحد يتحسر وينبسط بنفس الوقت.. والممثل رين هادا تاني فيلم احضرله واول اشي جذبني فيه صوته، وكانت نبرته بهادا المشهد مؤثرة وكتير فخمة، كل جملة كنت واقعة بسحر صوته رهيب لدرجة عنجد..
فلولا هادا المشهد كان قولت الفيلم عادي وما اعطاني اشي لو مشهد صغير اتزكره لقدام، فانا هلقيت لو انجابت او تزكرت سيرة الفيلم بعد فترة راح اتزكر هادا المشهد اول اشي واتزكر حالي كيف كنت مستمتعة فيه لإنه طول وأشبعني بمدته..
ومن المشاهد الي تفاجءت فيها كان مشهد لما عرفته على المكان المجهول وهما بيمشوا كان مكتوب عالحيطان جمل عربية زي: (هذه هي أرضنا) و (لا للقتل) وغيرها من الكلمات العربية، حسيت الاشي غريب بس بنفس الوقت حلو، انه اشي انت بعبر عنك في مكان مش منك.. تقريبا طول وانا بحضر ياباني ما شوفت زي هيك مشهد، شوفت ممثلين لابسين بلوزة عليها كلمات عربية بس مشهد وهيك كلمات! وبتحس الكلمات هيك فيها مقاومة او كان اشي زي حرب او دمار.. المخرج نفسي اقابله واحكيله عنجد كيف لقيت هيك مكان..! مبدع كتير.
بينما الاقتباسات والجمل الي كتير كبيت وقعها في الحوارات:
” الساعة تقرع لحناً غبياً عندما تصل إلى الثانية عشر “.
انا ضده في هادي الناحية ولهيك كنت مستفزة وقولت شخصيته جدا غريبة من البداية…
انا ما بشوفه غبي بقدر ما بشوفه غريب، ومرات بحسه حلو لما بيكون في قصر او بيت.. وقعه في الساعة بحسه حلو
……..
” أن أحبّ من طرف عدد ضئيل من الناس الذين أريد أن أفضلهم كافٍ “.
هادا مبدأي وكتير بحكيه لناس حواليا والحمد لله صرت معروفة فيه.. بحس انه بالزات بالاصدقاء اكتفيت باللي عندي وماخدين مكانة جلوة وكبيرة في قلبي وعلى الناحية الاجتماعية مش حابة اكون علاقات اكتر من هيك..لانه الحياة احيانا بتفرض عليك علاقات الزامية بتكون مضطر تكمل معها او تمشي فيها.. فلما حكى هادي الجملة حسيته بعبر عني..
……..
” في الحياة، يتسنى للناس مقابلة الذين يحتاجونهم في الوقت المناسب “.
قديش استفزني من اول ظهروه لآخره وكرهته كتير وشخصيته وافكاره مقرفة بحق.. على قدر ما أبدع وهادي الجملة الوحيدة اللي كانت صحيحة وواقعية، اما الباقي ن نظرته السوادية الرجل الأسود.
……..
” بعض الكبار يجدر أن يعاملوا مثل الصغار وكذلك العكس “.
الممثلة هادي صرت اخر فترة احب اعمالها، وهان جدا عجبني تمثيلها وشخصيتها كمان حسيتها بتعبر عني خصوصا لما دخلت الجامعة ولما كانت تحكي عن تعاملها وكيف افكارها تغيرت وبتحب الكتابة كمان بحكي يا الله قديش قريبة من شخصيتي.. فجدا كنت حاباها هان وحسيتها اخر الفيلم اكتر وحدة خسرت وانظلمت يا حرام.. لأنها بريئة عنجد. حزنت عليها.
وجملتها هادي يا الله قديش نفسي احكيها للي أكبر مني، لاني مقتنعة فيها تماماً.
……..
” ستنهار الناس التي تأخذ كل شيء على محمل الجد “.
وقبل الانهيار الكامل بصير عندهم عصبية لأتفه الأمور لحد ما يصير عندهم انفجار من جوا فبنهارو في موقف معين ممكن يصدم الأقارب بالزات او حدا عزيز عليه.. لهيك بكون حزنانة عليهم لما يصيى فيهم هادا الاشي.. لانه بنحاول ننصحهم انهم يمشوا كتير من الامور ومش لازم يوقفوا على كل صغيرة وكبيرة وخلص.. بس للأسف ما بقتنعوا غير لما يصير فيهم اشي هما بحد أنفسهم ينصدموا من اللي صار معهم.
……..
” نحن نبقي غضبنا وشكوكنا في قلوبنا، لكن ما نزال نبذل قصارى جهدنا كل يوم “.
……..
” حلمي هو أن أكتب كتاباً مثير للاهتمام للغاية. الحياة مليئة بالأمور الفظيعة، لكن ثمة كتاب معين، الكتاب الذي يجعلك شاكراً لكونك حياً. لو بوسعي حتى كتابة كتاب واحد كهذا، ستكون حياتي تستحق العيش “.
الاقتباس المفضل من كل الفيلم🥰 💚
……..
” أكتب حول أمور لا يمكنني السيطرة عليها مراراً وتكراراً وأحاول أن أنساهم “.
وهنا كمان كتير حبيتها وهي بتحكي، كان كلامها هيك بواسي وبحزن بنفس الوقت لما كانت تحكي عن حالها..
والحلو في الفيلم انها سينباي، بحب العلاقات اللي بتكون بين سينباي وواحد اصغر من التاني بالزات في المدرسة او الجامعة
……..
” تحطيم الأشياء لن يساعد أيضاً “.
ما أحلى هادا المشهد لما صار يطلع في دفتر مذكرتها..
ولما لقاها كاتبة هادا الاشي زكرني بحالي لما اعرف حدا بكسر اشياء احكيله عالفاضي بلاش يلحقك ندم وهات اللي يرجع الاشياء اللي مضت.. وبحاول ما أصل لهادي المرحلة.. قدر الإمكان احاول امسك ايدي بلاش تفلت أعصابها وما أعرف اتصرف.. لانه حرفيا اكتر شعور بخاف يراودني هو الندم.. بحسه اصعب شعور وكله عذاب للنفس والضمير..
……..
” لا نملك خياراً آخر سوى مواصلة تنمية الأمور البسيطة والواضحة “.
……..
ولما غنت هي بعرف الممثلة انها مغنية بس ما عمري جربت أسمعلها فانا وبحضر في المشهد كنت ماخدة البعد على الشخصي، انه رين والبطلة التنين اوريدي مغنيين وعيونهم لما كانت تتطلع في التاني وهما بدمعوا ما أحلاهم وكلمات الأغنية كمان عجبتني وصوتها كمان رقيق وبلبق لهيك اغاني.. ففي بعض الجمل اللي حبيتها من الأغنية ولما حطيتهم ورا بعض برضو بلبقوا..
” أشعر وكأني متشبثة بسحابة
أتأثر بمسك يدك وحسب
لا يمكنني أن أفهم ”
……..
” لو لم أحبك لما كنت هنا معك “.
جملة أخدت قلبي..❤️
……..
” أنت بدوتَ وحيداً للغاية، مع ذلك حاولت أن تكون صادقاً “.
ونختم بآخر اقتباس وكان كتير حلو وصفها إله..
……..
الفيلم جميل وحبيته
شكراً كتير على ترجمتك Odin وتدقيقك CAPA وللفريق🌸💚